ஸ்ரீ காளஹஸ்தி கோவில்

காளஹஸ்தி திருப்பதிக்கு அருகில் உள்ள ஒரு பழமை வாய்ந்த சிவ ஸ்தலம். இது ஒரு நவகிரஹ ஸ்தலமும் கூட .ராகுவும் கேதுவும் சிவனை இங்கு வழிபட்டதாக கூறப்படுகிறது.மற்றொரு சிறப்பு பஞ்சபூத ஸ்தலங்களில் காளஹஸ்தி ஒரு வாயு ஸ்தலம். சொர்ணமுகி நதி கரையில் இந்த ஆலயம் அமைந்துள்ளது.இங்கு சர்ப்ப தோஷ நிவாரண பூசை மிகவும் பிரசித்தம்.சுவாமிக்கு பெயர் காளத்திநாதர் அல்லது காளத்தியப்பர். அம்மன் பெயர் ஞானப்ரசுனாம்பிகை.இந்த ஆலயம் தக்ஷின கைலாசம் என்றும் அறியப்படுகிறது.இந்த ஆலயத்தில் ஒரு பாதாள விநாயகரும் உள்ளது.திருப்பதியில் இருந்து முப்பது கி.மீ தொலைவில் உள்ளது.சென்னையில் இருந்தும் தடா வழியாக காளஹஸ்தி செல்லலாம்.சம்பந்தரால் பாடல் பெற்ற ஸ்தலம்.